ممكن...انتِ...نفسي

الله على الجمال مينفعش اجي .......
يـــــــاه ياما نفسى اكون ............
ممكن .......
ايه اللى انا شايفه ده انتِ.......
طبعا محدش فاهم حاجه من اللى انا كاتبه بس انا مقدرش اوضح اكتر من كده
بقالى فتره كبيرة بشوف حاجات بتستفزنى من الشباب والبنات
حاجات معتقدش انها من عادات ناس عربيه اصلا او ناس فهمه يعنى ايه احترام
بس الحاجات دى بتخلى الانسان مش اى حد تانى يحس انه فى مكان مش مكانه
فى عالم ملوش علاقه بيه
طيب ما تفهمنا اكتر يا عم الحج علشان مش فاهمين
-------
^_^ ماشيى يا جماعه الموضوع بختصار شديد انى اكتر من مره بيجلي طلب اضافه
وحتى لو مش بيجيلى طلب اضافه ...الاضافات اللى بتكون على الجانب الايمن من الفيس بك للناس اللى بستخدمه بالانجليزى
والجانب الايسر للناس اللى بستخدم بالعربي علشان محدش يكون عنده حجه
 الاصدقاء دول بقي بيكونو من نوع مختلف
نوع اللى عندهم 4000- وطالع
يعنى انا اللي عندى 1400 مش حاجه جمبهم
طبعا انا متعود اى حد بيطلب الاضافه لازم اشوف الصور بتاعته واشوف البروفيل علشان اطمن انه حد كويس
او اذا كنت اعرفه ولا لا
لكن فى بعض البروفيلات بقي بتكون حاجه خاصه
بجانب انهم معديين فى الاصدقاء بيكونو معديين فى حاجات تانيه برضو بس من نوع اخر
زى الصور اللى بينزلوها والكومنتات اللى بتتكتب ليهم بصراحه انا اول ما بشوف كده والله بعمل بلوك على طول علشان اريح نفس
ففمره لقيت بروفيل من البروفلات ده كان لوحده كده ربنا يهديها ويصلح الحال ليها
كان اسمها غريب اوى بس الاسم مش موضوعنا الموضوع انى شوفت الصوره الىل حطاها طبعا ولا اجدع فلم متصور على البحر فى شهر 8 بصراحه الصور استفزتنى اوي بس الحمد لله كانت الكومنتات الىل مكتوبه اكثر استفزاز
تلقي واحد كاتب
يـــــــــاه هى دى الستات مش ال.... اللى فى البيت
ولا التانى يكتب ممكن اخطبك .... على اساس انها اصلا هتوافق عليه
ولا التالت كاتب ده رقم تليفونى 993484-02343409093248209اتمنى انك تتصلى بيا علشان عاوز اكلمك
وياريت على الكومنتات دى كانت تبقي سهله والموضوع اقول انه هزار
لكن بجد الموضوع مش هزار فى كومنتات بتكون زى الزفت بمعنى الكمله
كومنتات فيها كفر بربنا ده كله علشان شهوه بس مش حاجه تانيه
علشان يرضى وحده هى مش هبتلصه اصلا وحتى لو بصلته فى الاول والاخر دى شهوه مقلش كلام اتحاسب عليه يكون بالمنظر ده
مفضلش اقول الفاظ تكون اقرب للواقاحه من لفت الانتباه
والاكثر من كده كمان ان سيادتها تفضل تشكر فيهم وفى اللى بيكتبوه وتوعدهم بصوره تانيه قريب وهى لبسه الحتة الجديده
او وهى ماسكه البوبي بتاعها .
للدرجادى بقينا ناس حساله والله ده الحساله  احسن منهم
بجد مش عارف اقول ايه تاني الكلام مهما كان بيقول عمره ما هيوصل الاحساس اللى جوايا ناحية اى شخص من الناس دول
ناحية اى بنت من النبات دى
لو انتى بنت صحيح المفروض يكون عندك حياء بلاش من اللى حواليكى خليه يكون من نفسك انتى ولا خلاص بقي فرجه كل الناس تتفرج عليه ماهو مش لقينه يبقي نمتعهم اكتر
ولا كمان الاسلوب الجديد اشحنلى كلمنى
هخليه فى نوت لوحده علشان ده بقي عاوز كلام كتير
خلاصة الكلام اننا بشر ممكن نغلط
ممكن نعصي
لكن بالله عليكم بلاش نخلى الحياء ينتهى
بلاش نخلى الاحترام معدوم
خلينا نحس اننا خايفين على بعض
مش اول ما نشوف وحده حطه صوره ليها يبقي خلاص بقي هى عوزانا نفرحها بنفسها
بس مش فى حاجه تانيه اقولها

Read more »