حكاية كيس شبسى

كان خنفس ووالدته يجلسان فى المنزل يستمتعان بالطعام 

وكان خنفس يستمتع باكله اللذيذ الذى يتكون من افخم انواع ال........ الشهية 

وكاعدته وهو جالس يتناول الافطار يستمع الى الاخبار فى قنات الحى الفضائية 

والتى تتناول اهم قضايا الحيوانات وعلقاتها الانسان

وفجأة تتتتت تتتتت 

ماما ماما هو فى ايه فى التلفزيون هكذا سئل خنفس مامته فردت عليه 

مش عارفه يا خنفس والله كل شويا يعمل كده 

ممكن بس بعد ما تخلص اكل يا خنفس يا حبيبب تشوف عم عنكب يجى يشوف التلفزيون

فخرج خنفس متجه الى مركز الشبكه العنكبوتيه للاجهزه الالكترونيه 

وفى طريقه شاهد موقف غريب !!!!!

راى مجموعه من الاطفال يلعبون فى احدى شوارع الحى الذى يسكن فيه

وكانت اعمارهم حوالى 5 الى 7 سنوات 

وكان احدهم يمسك كيس شبسى فى يده ياكله بمفرد وكان من الحكم المتوسط 

فتضايق الاطفال منه ثم بعد حوالى بضع ثوانى خطف الكيس من الطفل الصغير 

صاحب ال6 اعوام قال يامحمود هات كيس الشبسى بتاعى 

واء واء واء ....

فنظر اليه محمود لا مش هدهولك يا رخم انا هكله منك

(اء اواء اءاواء )من ضمن حركات الاطفال التى يفعلها

فتنرفز الطفل الصغير من محمود والذى كان يبلغ من السن حوزالى 7 سنوات

فتعارك معه (هات الكيس ده بتاعى 

..لالا الكيس مش هتاخده 

.مليش دعوه ده الكيس بتاعى 

..لا مش هدهولك اممممممم كانت هذه حركة اخراج لسن الطفل صاحب السبع سنوات 

فجرا عليه الطفل الاخر وخطف الكيس منه ثم

اخرج الطفل صاحب السبع سنوات شئ من جيبه وطعن الطفل الصغير فى بطنة

وكل هذا يحدث امام خنفس وهو يختبئ تحت احدى الاحجار الصغيره 

فسقط الطفل ارضا واخد الطفل الاخر كيس الشبسى وجرى 

فصرخ الاطفال الاخرين طالبين النجده الحقونا الحقونا

وجرى خنفس ليتفادى فيضان الدماء الذى سببه الطفل عندما سقط على الارض 

---------

على فكره القصه دى حقيقيه 

وحدثة بالفعل وانا حبيت اجبها بطريقه الخنافس علشان تكون اسهل وابسط 

وفعلا سن الطفلين كده 

واحد 6 سنين وهو اللى اضرب بالسلاح الابيض 

والتانى 7 سنين وهو اللى ضرب الطفل فى بطنه 

وتخيلوا بقى ان الحكومه فى الاخر بعتت لابو الطفل اللى ضرب الولد الصغير 

علشان يخلوه يكتب اقرار انه يهتم يايه اكتر من كده 

يعنى مفيش عقاب للطفل 

ياترى ليه هل علشان  هو فعلا طفل ولا علشان مش بنفع نعاقب اطفال 

حبيت اقلكم انتم شايفين مين السبب 

والاغرب لما سألو الولد ضربت الوالد الصغير ليه 

قال علشان كان نفسى فى كيس شبسى 

اترك لكم التعليق 

Read more »

I love my friends forever

فكرت  فى الكلمة دى 

حسيت معناها كويس ولا لا 

طب بلاش تحسها 

فهمها اصلا وفاهم ايه اللى بتعنيه

------

فى ناس كتير اوى مبتحسش الكلمه دى 

وفى ناس اكتر بتقولها وخلاص 

لكن لما شوفت الاصدقاء بيعملوا ايه فى الحياه حسيت انها مختلفه 

حسيت ان معناها كبير اوى 

فكر معايا  ايوه فكر معايا لو انت حاسس بمعنى الكلمه دى هتحس بأيه 

فكر لما بتكون محتاج حد جمبك ومش بتلقى غير صديق وفي هو اللى مستنيك 

مستنى يساعدك ويقف جمبك 

فكر فى اوقات كتير بتحس انك محتاج حد جمبك 

ومش بتلقى غيره هو اللى معاك حتى لو حد غريب لكن هو صديق

-----

فى معانى كتير اوى للصداقه لكن ممكن معرفهاش ولا نفهمها 

ونفتكر ان مفيش حاجه اسمها اصدقاء ومفيش حاجه اسمها صداقه 

كتير اوى بيفكر كده لكن ليه احنى مخليين الموضوع كده

زى ما فى ناس متنفهش يكونوا اصدقاء فى ناس يفتخر انك صديق ليهم

ليه ضاع مفهوم الصداقه فى الزمن ده 

وبقى كل الناس عاشه فى حالة وحده 

ليه محدش فكر فى الايه اللى بتقول(( (يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا))

ليه محدش فكر فى الحديث اللى بيقول اثنين يظلهم الله يوم لا ظل الا ظله 

((ورجلان تحابا في الله اجتمعا عليه وتفرقا عليه))

ليه محدش فكر ليه الصحابه اطلق عليهم صحابه

ليه منفكرش فى ده  وبنفكر دايما فى الوحش اللى بيحصل ونقول كل الناس زى بعض

لا طبعا مش كل الناس زى بعض لانك لو قلت كده يبقى عاوز تكون عادى 

وانا عن نفسى مش حد عادى علشان كده فكرت بطريقه مش عاديه 

فكرت ليه منحولش نرجع مفهموم الصداقه تانى 

ليه مخليش الصديق خير انسان كما كان فى الماضى 

ليه منرجعش الوفاء بين الناس 

ليه منحولش نكون صح ولو مره وحده

فكر كويس .... بجد فكر كويس فى معنى الصداقه اللى انت عاوزه وانت تعرف 

--

فكرتى اننا نحدد يوم زى اى يوم زى يوم اليتيم زى يوم الحب زى اى يوم

من الايام اللى بتطلع بس نخليها بشكل تانى 

يوم للاصدقاء يوم للصداقه يكون يوم كلنا نعبر فيه عن حبنا لاصدقائنا 

ياريت يا جماعه تفكروا فى الموضوع واللى عاوز يساعدنى فيه انا منتظره 

ومبدأيا انا برجح اليوم يكون اول جمعه فى شهر 8 

وصدقونى لو ده حصل هيكون معنى جديد لمفهوم الصداقه 

منتظر رايكم 

^_^

Read more »

حسيت انى عاوز اتغير

كتير اوى كلمنى عن التغيير 

كتير اوى سألونى وقالو عاوزين نتغير لكن مش عارفين 

عاوزين تكون حياتنا اجمل لكن مش فاهمين نخليها ازاى 

عاوزين نحقق اهدفنا ونبص لمستقبلنا بشكل جديد لكن مفيش حد بيساعدنا

كتير اوى .... كتير اوى 

-----

فكرت اتكلم واقول.... فكتر ادور علشان اعرف ايه اللى يخلى الناس تكون احسن 

ايه اللى يوصلنا للتغيير 

للحاجه اللى عاوزنا 

ايه اللى يخلينا نوصل لنفسنا 

يخلينا نؤمن اننا احسن من اللى فات 

افضل من زمــــــــــــــــــان زى ما فى ناس بتفكر ان زمان كانت احلى 

ونفسها ترجع تانى 

لكن ليه مش نخلى اللى جاى احلى 

اللى جاى افضل من اللى فات مهما كان اللى فات جميل ونفسنا يرجع تانى 

ليه منفكرش بطريقه مختلفه 

ليه منحشن اننا عندنا بكره وانهارده ممكن نكون فيهم افضل 

ليه بنحب نفضل مضايقيين بالرغم من اننا نقدر نكون متفائلين 

ليه ..... ليه .... ليه ...

اسئله كتيره اوى نفسى اعرف اجابتها

ونفسى اخلى الناس تعرفها 

علشان كده قلت ليه مش نبداء حياه جديده باسلوب جديد

اسلوب من تجربنا احنى اسلوب من حياتنا احنى 

اسلوب من موافقنا الى عشناها ....

من حياتنا اللى شوفناها وتعبنا واياها

علشان كده

حسيت انى عاوز اتغير

حسيت انى لازم اتغير حتى ولو كنت احسن من ناس كتير 

ليه مش اكون احسن من نفسى 

ليه مش اتغير للاحسن حتى لو انا احسن 

حسيت انى عاوز اتغير هى حياه هنعشها بفسنا 

حسيت انى عاوز اتغير هى اسلوبى فى التغيير

حسيت انى عاوز اتغيير خلتنى احس انى عاوز اكون انسان 

علشان كده حسيت انى عاوز اتغير

------------------

لو الفكره عاجبتك ياريت تساعدنى على تطبقها 

وان شاء الله نطبقها ونحس قد ايه اننا محتاجين اننا نتغير 

ولازم نتغير علشان منكنش زى ناس عاشت وخلاص

بس انا مش هقول نعمل حمله ولا شعارات 

لكن هقلك اسئل نفسك انت نفسك تتغير ولا لا 

لو حسيت بده خليك معانا وان شاء الله نتغير 

Read more »

هــــــــــدوء

هــــــــــــــدوء نعم انه هــــــــــدوء 

هــــــــــــــــدوء تامل معى تلك الكلمه 

تأمل خروجها من داخلك ماذا تعنى لك 

تامل ما الشعور الذى تحسه منها

هــــــــــــــــــدوء 

عندما اتاملها اجدها كلمه ولكن ليست كاى كلمه

اجد فيها شئ ساحر يأخذنى من الحياه

يأخذنى الى طريق لا يوجد به الا الهدوء

انه الهدوء 

ذلك الاحساس  النابع من احاسيس انسان صادق مع نفسه

نابع من احاسيس كائن يستشعر بهدوئه 

هـــــــــــــــــــــدوء

ارى بداخله امل يجعل الحياه سعيده

يجعل الحياه لها لون اخر لون يعمه الهدوء والسكينه 

لون ينشر الراحه والعاطفئه 

---------

انا عارف ان الكلام مش راكب على بعضه 

بس صدقونى حاسس بهدوء تام 

حاسس انى فى مكان غير المكان 

حاسس انى شايف الدنيا هاديه اوى 

حاسس انها جميله اوى 

لكن مش حاسس باى حاجه تانيه 

حاسس انى هادى اوى اوى كمان

هدوء حابه لكن غريب

 هدوء صافى لكن بعيد

هدوء اتمنى انه يكون جميل 

هدوء غير طبيعى بس حبيت اوصفه ليكى ويارب اكون عرفت 

Read more »

اخر استفزاز بجد

فعلا والله اخر استفزاز 

لما تلقى ان الناس خلاص بقت عايشه فى تفاهه

لما تشوف اللى حوليك مش فهمين ايه اللى بيحصل

لما يكون الموضوع اكبر منى ومنك ومش نكون حسيين

كلام كتير واللى ببيحصل اكتر لكن انا مش بحب اسكت 

علشان كده قلت لازم اتكلم واوضح حاجه ممكن كتير مش واخد باله منها

----------

الموضوع وانا بتصفح الفيس بك 

ايون الفيس بك اللى كلنا عملين عليه اكونت وخلاص بقه حياتنا فيه

وبقى مش ينفع يعدى يوم من غير ما نفتحه

المهم كنت على صفحه الفيس بك الخاصه بالخدمات اللى بيعرضها

وده اللينك بتاعها

http://www.facebook.com/facebook

وفتحت الصور 

لقيت بجد صور غايه فى الوراعه من ناس بتعمل شغل صح 

وعايشه حياه جميل بالرغم من انهم فى سننا او قريبين من نفس سننا

وبالرغم من ان صاحب الفيس بك عنده 25 سنه

المهم 

ظهر ليا على اليمين فى الاعلانات

كلمة

Facebook Pages

ضغط عليها وقلت ممكن يكون فيها حاجه جديده عن الصفحات اللى على الفيس

وايه الجديد اللى ممكن اعرفه منها 

لكن لقتها فتحتى المفاجئه واللى كتبت عنها الموضوع ده

فتحت صفحه
Browse All Pages

اللى بتجبلك كل الصفحات اللى على الفيس ولحسن حظى جابتها بالترتيب الاولى على الفيس

يعنى الترتيب مش ابجدى لا الترتيب باكتر زياه على الفيس وعدد الاشخاص على هذه الصفحه

وكانت الصدمه الكبيره 

ان اول صفحه شعبيه على الفيس بك والتانيه والتالته لحد اكتير اوى 

وهجبلكم بالترتيب اول 10 صفحات شعبيه على الفيس وفكرو فى الكلام اللى بعدها بجد

-----------

المركز الاول لعبة

Texas Hold'em Poker

19,493,650 people like this.

 --------------

المركز التانى  لعبة

Mafia Wars

12,561,390 people like this. - Like: 

----------

المركز التالت

Facebook

9,761,500 people like this

 --------------

المركز الرابع

Barack Obama

8,784,659 people like this. - Like

---------

المركز الخامس

Vin Diesel

8,539,458 people like this. - Like

 ---------

السادس

Lady Gaga

8,423,633 people like this. - Like

-----------

السابع

Starbucks

7,696,064 people like this. - Like

--------------

الثامن

House

6,871,032 people like this. - Like

---------

التاسع 

Music

6,537,728 people like this. - Like

----------

المركز العاشر

The Twilight Saga

6,229,113 people like this. - Like

------------------

طب اكيد فى ناس هتقول وفيها ايه 

انا هقلكم فيها ايه 

اول بيج دى لعبه ولعبه قمار كمان 

بلاش ممكن تتسلى بيها طيب

لما اكتر من 19 مليون شخص من جميع انحاء العالم يدخلو الصفحه دى 

واحنى اكتر صفحه موجوده على الفيس بك دينيه او باسم محمد سول الله مبتوصلش حتى لربع مليون شخص 

تخيل تخيل انى وصلت للصفحه العشرين فى البحث ده ومفيش اصلا صفحه عربيه فى اول عشريب صفحه

وان كل صفحه بيكون فيها 50 بيدج يعنى بعد 1000 بيدج مفيش فيهم ولا حتى بيدج واحده بتتكلم عن اى دين مش 

بس دين الاسلام وانا مش عارف لحد كام علشان القى وبيدج وحده تتكلم عنا 

انا مش متخصص فى الدين ولا ملتزم علشان اقول احنى ايه ولا مين 

لكن انا بتكلم على نفسى على اللى شايفه بيحصل احنى مين 

سؤال احنى مين ؟؟

انا عن نفسى بقول انا مسلم وعربى الحمد لله 

لكن هل بالكلام ولا بالافعال 

لما رأيس دوله يكون عدد زوراو صفحته اكتر من 8 مليون فرد 

ورسول الله مش محصل ربع مليون 

لما صفحة المزيكا وانا بمسع مزيكا لكن لما تكون اكتر من 6 مليون شخص 

وبرضو اى صفحه بتتكلم عن الدين مش بتوصل لربع مليون يبقى احنى مين 

فى كلام كتير جوايا لما شوفت الموضوع ده وحسيت انى عاوز اعمل حاجه

حسيت انى بجد لازم اقول لا 

لازم افوق مين اللى بشوفه 

لازم اخلى نفسى مسلم صح 

-------

علشان كده فكرت فى حاجه بس عاوز اعرف انتم كمان فكرتم فيها ولا لا بعد قرائة النوت ده

معليش طولت عليكم 

بس احنى بنقعد كتير اوى على النت من غير فايده ياترى نقدر نعمل حاجه بفائده 

منتظر رايكم ايه 

شكرا ليكم

Read more »

عربة ترام

تذاكر....تذاكر((تك ....تك))

تذاكر تذاكر (( تك ....تك))

هكذا يقول قاطع التذاكر فى عربة الترام (( الكمسرى ))

للراكبين ..

فيسير فى العربه كاكل يوم يرى اشكال كثيره منها

التى يراها بستمرار ومنها التى لا يعرفها 

منها المهموم والحزين والفرح والسعيد 

منها الكثير والكثير منا الاناس التى تراهم كل يوم 

------

يلا يا اشرف عاوزين نستخبى من الكمسرى علشان مش يشوفنا 

كان هذا كلام سعيد لصديقه اشرف الطلفين الصغيرين 

اللذان لم يتعدى عمرهم العشر سنوات

طيب يا سعيد شايف المكان ده عم شريف مش هيشفنا هنا يلا نستخبى 

ومع هذه الكلمات وضع احدهم يديه على كتف اشرف 

وكان هذا عم شريف الكمسرى

يابنى انت وهو هو انا مش ورايا غيركم 

كل يوم امسكم انتم ايه مش بتبطلوا 

انتم معجونين بمية عفريت...

فجرى الاثنين من امامه واختفوا داخل الحشد الممتلئ فى الترام

فهدى بعض الناس عم شريف

ثم سار اليوم كالمعتاد بما فيه من اشياء 

وفى نهايه اليوم سلم عم شريف عهدته واتجه نحو

الاستراحه فكان هناك بعض العمال الاخرين يسترحون قبل الذهاب الى المنزل

فنظر عم محمود صديق عم شريف اليه

قائلا ايه يا شريف مالك شكلك مشايق كده

تنهد عم شريف ثم قال 

هييييييييييي يا محمود الدنيا بقيت صعبه اوى 

مفيش حد طايق حد 

حتى انا مش بقيت طايق نفسى مش بقيت طايق اسمع

كلمه من حد 

فتعجب محمود وهويقول ليه بس كده يا شريف ايه اللى حصل

اللى حصل كتير اوى يا محمود 

التعب اللى بقيت بتعبه من الناس اللى بشوفها كل يوم

المناظر اللى بشوفها كل دقيقه 

الناس اللى بقيت فكرانى بحط الفلوس فى جيبى 

حتى الاطفال بقوا خلاص عفريت 

كل يوم بشوف حاجات كتيره اوى بتتعبنى 

انت مش فاكر الحادثة اللى حصلت الاسبوع اللى فات 

ولا الوالد اللى كان هيموت وهو اقف على الباب 

حاجات كتير اوى يا محمود والله

فنظر اليه محمود ثم قام ليهدئ من ورع عم شريف 

والله انت حد طيب يا شريف 

وطبتك دى هى اللى مخلياك كده علشان مفيش حد بيفكر زيك كتير

كله بقى بيفكر فى نفسه ومحدش عاجبه حاله

هقلك نصيحه من اخ اصغر منك يا شريف بس انت عارف اننا اخوات ازاى 

متخليش حاجه تاثر عليك بالسلبى لانك لو فكرت فى الحاجات دى 

هتتعب اكتر بالعكس حاول تعرف هى حصلت ليه وتخليها مش تحصل تانى

وانت فى الاول والاخر ماسك عربة ترام 

يعنى شوفت كتير ولسه هشتوف اكتر فمش تخلى الزعل يعمل فيك كده او موقف 

معين يتعبك ....

وعلى هذه الكلمات سمع صوت اذان المغرب 

فقال محمود لعم شريف يلا بقى علشان نصلى المغرب 

فنطلق الاثنين نحو المسجد على امل ان تريحهم الصلاه من الشعور الداخلى الذى بهم

--------

Read more »

شوفتها

اه شوفتها .... اه عرفتها .... اه حستها كمان 

شوفت حنيتها مع الناس 

عرفت صفاتها من تعملها 

حسيت بيها من غير ما اكلمها 

لقيت كل الناس بتشوفها بس مش زى ما بشوفها 

تعاملها معاهم غير تعملى معاها

احساسها معاهم يختلف نهائيا عن احساسها معايا 

حتى ضحكتها كمان كانت بتطلع من قلبها 

-------

فاكر اول مره شوفتها وشفتنى 

وحستها وحستنى .... كان مجرد احساس 

من غير كلام او حتى احلام 

لكن كان فى حاجه غريبه بتشدنى ليه 

كان فى همسات بتدخل جوايا 

كان فى حاجات كتير اوى مفهمتهاش ولا فهمتنى

------

تصدقوا لو قلتلكم انى مكلمتهاش ولا كلمتنى

لكن كانت بتفهمنى وبفهمها 

لما بتتعب بترتاح معايا 

لما بتشكى بكون وياها 

لما حتى  بتنام لازم تمسى عليا 

------

ولما سبتنى مقدرتش اسبها جريت عليها وقلتلها 

وحشتينى وياريت اقدر اجبها 

لكن القدر كان اكبر منى ومنها 

فرق بنا علشان يعرفنى قمتها 

ويعرفنى قد ايه تعبان من غيرها 

بس صدقونى لو قلتلكم انى مش بتكلم عن انسايه 

ولكن بتكلم عن كاميرتى الكتكوته الشقيه 

اللى سبتنى من غير حتى ما تبعتلى سابق انذار

اوحتى توديعا فى النهار 

تركتى فى وسط النهار تعبان من غيرها

لكن فى الاخر انا انسان 

ولازم اتعلم من كونى انسان 

ان كل حاجه ليها قمتها ووقتها 

واكيد اللى جاى احسن ان شاء الله 

وهى عارفه ده

-------------

كلام حبيت اقوله عن اول كاميرا ليا اللى حبتها بجد وحسيت بيا وحسيت بيها

^_^ 

Read more »

لحظات تأمل

هى تلك اللحظات التى اشعر بوجدك فيها ....

وهى تلك اللحظات التى احن اليكى من خلالها

وهى تلك اللحظات التى اتملك يها العالم وانتى بجوارى 

       وهى تلك اللحظات .... لحظات تامل     

---------

عندما احلم بك يكون هذا هو حلم 

عندما اتأملك اكون قد تأملت مستقبلى 

وعندما اشاهد طموحك اكون قد وصلت الى طموحى 

عندها اعلم انك هى...

انك تلك الانسانه التى اريدها 

انك لذلك الحلم الذى احمله منذ ولدتى

 ----------

لحظات تأمل تجعل كل شى فى حياتى هادئا 

تجعل انفاسى تخرج فى سكون 

تسير بى نحو النجوم التى احس

كاننى اسكون بجورارها 

التى تجعلنى ارى ما اتمنى 

----------------

لحظات تأمل تجعلنى انسان كما اتمنى 

تجعلنى كأفضل انسان حصل على ما يريد 

تاخذنى الى حيث انتمى 

تأخذنى اليكى... نعم اليكى...

الى هدوئك الناعم الذى يجعل حياتى ناعمه

الى سكونك الصامت الذى يحركنى بشده

يأخذنى اليكى .... انتى 

ايتها الانسانه 

---------------

ثـــــــــــــــم هل افوق من هذه اللحظات 

هل سارجع دون التمتع بها 

هل سابقى متأمل ام سافوق

ولكن فى النهاية اقول 

أننى انسان يريد ان يعيش

ومن حقى ان أعيش واتأمل وهذا ما افعله 

^_^

Read more »

حكاوى الخنافس

خلس الاصدقاء الثلاثه على السفره ينتظرون مامة خنفس  تحضر لهم الطعام الشهى 

وكان الخنافس الثلاثه يجتمعون كل اسبوع فى يوم العطله الرسميه

يتحدثون عن الاماكن التى يذهبوا اليها 

ويعملون فيها ...

فتحدث خنفوس الى صديقيه شوفتوا يا اصدقاء الناس اللى عايشين معاهم بقوا عملين ازاى 

كل يوم خناق وبهدله دول حتى بقوا بيتخانقوا مع الذباب اللى بيطير فى الجو 

فضحك الثلاثه  ضحكة الخنافس المشهور 

فقال خنفس وهو يستعجل مامته فكرتى ياواد يا خنفوس

 موقف شوفته من بنادم كان قاعد فى بيت عم نمله 

لما كنت بتشرى من هناك الطقم الجديد بتاعى

المهم يا خنفوس انت وخفانس الراجل كان قاعد مع واحده (( المدام بتاعته))

بيتكلم معاها ومشغل حاجات غريبه (( موسيقى هاديه))

وقاعد بقى يحب بيها ويقلها كلام يا ســـــــــــــلام يا 

لو القى خنفسه صغنونه كده اقلها زى الكلام ده

وعلى هذا الانغام الهادئه التى يتحدث بها خنفس دخلت مامته 

لتضع الطعام امامهم 

ثم قالت لخنفس يا واد انت لسه صغير على الكلام ده 

ففزع خنفس عندما وجد مامته امامه 

قال ماما ... ماما 

فضحك الجميع ثم استمتع الجميع بالوجبه الشهيه التى احضرتها مامة خنفس

وبعد الطعام اكمل خنفس ما شاهده 

فقال وبعدين بقى يا شباب الخنافس 

مش عارف الست اللى كانت قاعده قامت تشوف حاجه (( اللى هى المدام يعنى ))

فسمعت الرجل بيقول كل شويا كده انا قربت ازهق

 وبعدين لقيته بيغير الحاجات الغربيه اللى كان مشغالها وجاب حاجات كده 

كلها دوشه (( اغانى هابطه )) 

وفضل يقول يا هى دى الستات ولا بلاش 

مش مراتى اللى زى ..........

وهو بيقول كده دخلت الست اللى كانت معاه 

فغير اللى كان مشغله 

وقلها يا حبيبت قلبى  خلصتى اللى بتعمليه .... 

فضحك الثلاثه  من هذا الموقف

ثم تبادلو بعض الاحاديث الاخرى 

وعند اقتراب حوالى الساعه الحاديه عشر 

ودع الاصدقاء الثلاثه بعضهم على ان يجتمعوا

 فى الاسبوع المقبل ليتحدثو فى حكاوى الخنافس

--------------

هدفى من القصه 

طبعا الاسلوب الناس هتقول عليه غريب لكن

انا بحب اغير مش بحب اكون زى اى حد لانى ليا اسلوب

واتمنى الناس تقولى رايها فى الاسلوب ده وطبعا الاسم

فى ناس مش هتتقبله لكن برضو بحب اجيب حاجات غريبه 

المهم الموضوع بيتكلم عن المتزوجين وخصوصا الرجاله 

مش بيحمد ربنا عن اللى معاه وطبعا مش كلهم 

بس فعلا بشوفها كتير جدا اللقى ناس ربنا زقها بزوجه جميله جدا

ومخليها سعيد وبرضو بيبص لغيرها

هل ده بسببها علشان بتكون قبل الجواز حاجه وبعد الجواز حاجه 

ولا ده علشان فى رجاله كده 

ولا علشان عدم رضى 

ولا علشان مين 

ياريت نفهم احنى بنعمل كده ليه 

ياريت نعرف المشكله فين 

فينا ولا فى الغرب اللى بقينا بنصلهم فى كل حاجه 

ولا فى الستات واللى بقوا يعملوا ولا فى مين 

على فكره انا مش ضدد ان الراجل فى الموضوع ده 

بس انا ضدد النفاق لان ده اسمه نفاق 

انك تقول حاجه مش تعملها تقول كلام وميكنش من قلبك 

فكر تكون صريح او تكونى صريحه مهما كان الكلام 

هيفرق كتير مع الانسان 

احنى بشر وبنغلط لكن ياريت نفهم الغلط ايه ونصلحه مش نفضل فيه 

بس ده اللى عاوز اقوله 

ويارب القصه تكون عجبتكم يارب

Read more »