ماشى على الرصيف

ايون ماشي على الرصيف بس مش زى كل الناس

ماشي على الرصيف ولكن ماشى زى مانا عاوز

ماشي وبفكر اكون مش عادى

ماشي ومش هممنى حد ولا سبت ولا حتى اتنين وتلات

ماشي وكل الناس بتبص عليا مستغربانى

بس ولا يهمنى لانى هفضل امشى على الرصيف

--------

لان كتير مننا مشيين عليه خايفين لينزلو من عليه

فاكرين انه هو الحياه

ولو نزلو من عليه هيتوهو وسط الزحام

فاكرين ان الرصيف هو اللى هينقذهم

مش فاهمين انه مجرد رصيف

طبعا مجرد رصيف

وده بالنسبالى مجرد رصيف

------------

بحب امشى عليه علشان اكون وسط الناس اعرف ايه اللى بيحصل معاهم

وعلشان اقدر اتفاهم معاهم ... علشان برضو لازم اكون زى الناس

بحب الناس مش كلام بيداس زى الشبشب والمداس

لكن برضو بنزل من على الرصيف علشان اقابل الصعاب

اشوف التحدى والثبات وامشى وسط الزحام

علشان اعرف مقدار نفسى والذات

بس برضو بمشى على الرصيف

---------------

لكن رصيفى مختلف عن اى رصيف

رصيفى فى كل الناس مبزعلش حد منه ولا اقدر اقول بلاش

ولا حتى امشى لوحدى ولا اقوم امشى وخلاص

لانى رصيفى رصيف حيــــــــــــــــاة

بس برضو ارجع واقول انا ماشى على الرصيف

-------------

مهما بعدت عنه لازم ارجعله

مهما قصى عليا لازم ارجع واسامحه

مهما عمل فيا مهو برضو رصيفى

مقدرش ازعل منه ولا حتى اقدر اغشه

واقول كلام واهشه

لانه رصيفى اللى بمشى عليه

وبرضو انا ماشى على الرصيف

----------

ساعات كتير اوى بيزعل من اللى بيحصل عليه

من اللى بيشوفه من الناس واللى بيحصل عليه منهم برضو

فاكرين انه مش بيحس


فاكرين انه مش بيبص

فاكرين انهم مهما عملوا عليه مش هيخس

فعلا مش هيخس لكن ممكن يكون بيحس وبيشوف وبيبص

ماهو بارضو ليه عمر بيعيش وبيموت حتى لو كان صامت

ماهو انا ماشى على الرصيف

--------

رصيفى كتير بيصوره علشان شكله ومظهروه

رصيفى مهما بصتلوه مش هتزهق منه

ولا حتى هتمل وتهدو

لانه رصيفي اللى بحبه

وبمشى عليه وبقول انا ماشى على الرصيف

وفى النهايه يا رصيفى اقلك

ربنا يخليك ليا وتحن عليا علشان اقدر امشى عليك من غير تعب

ولا حتى تيت

وعلى فكره احلى حاجه فيك يا رصيفى انك مش فيك مطابات

اللى بتخلى العربيه تقول طاخ

وتخلى الناس تشتم فيك وتقول يادى التربتيت

مانا ماشى على الرصيف

حاجه كده كتبتها عارف انها مش مكتوبه زى الناس

لكن كتبتها باحساس علشان كده قلت اقدمها للناس

ويارب الناس تفهم زى الناس علشان مقولش انى مكبتبش زى الناس

^_^

يارب تعجبكم يارب

Posted in: خواطر